Puberteti

Super ushqimet

Maria Skoura

 

Gjatë adoleshencës zakonet e shëndetshme të ushqyerjes na ndihmojnë të ndërtojmë një trup të fortë. Ja sesi të forconi trupin me ushqime të miratuara shkencërisht dhe sesi t’i shtoni ato në dietën tuaj të përditshme.

 

Ushqime me vlera të larta ushqyese

•  Ushqimet e pasura me fibra, si vitaminat, mineralet dhe ushqime të tjera që sjellin shumë përfitime për shëndetin e njeriut dhe kapacitete të larta antioksiduese.

•  Kërkimet kanë treguar që ato luftojnë procesin e plakjes dhe mbrojnë trupin nga sëmundjet kronike, si kanceri, sëmundjet e zemrës, duke zgjatur kështu jetën.

•  Gjithashtu, ato mund të mbajnë nën kontroll oreksin, duke ju bërë të ndiheni të ngopur edhe pas shumë kohe pas konsumimit të tyre. Në këtë mënyrë ato ndihmojnë në rënien në peshë.

 

A janë ato ndonjë nga super ushqimet greke? Përgjigja është PO, ka shumë! Ja disa:

Arrat dhe bajamet

•  Ato përmbajnë sasi të madha vitaminash, kryesisht vitamina E, dhe mikroelementë si kalciumi, fosfori dhe magnezi.

•  Burim i acideve lipide omega 3.

Këshilla për përdorimin e tyre: Hani një grusht me arra dhe bajame të papërpunuara, si vakt i ndërmjetëm të shoqëruara me fruta ose me kek të bërë në shtëpi, ose me drithëra në mëngjes.

 

Vaji ekstra i virgjër

•  Burim i shkëlqyer i vitaminës E, thelbësor për hidratimin e lëkurës.

•  Antioksidues i fuqishëm.

•  Mbron zemrën.

Këshilla për përdorimin e tyre: Përdoreni atë të pa gatuar në sallatë ose me bukë në vend të gjalpit, në gatim, madje edhe për skuqje.

 

Kaperi

•  Shumë pak kalori.

•  Të pasura me vitamina (A, B, C, K).

•  Përmbajnë minerale si hekuri.

•  Flavonoide me kapacitet të lartë antioksidues.

Këshilla për përdorimin e tyre: Përdorini të pa gatuara në sallatë, sanduiçe, me bishtajore të tjera, por edhe të gatuara në salcë makaronash ose me peshk.

 

Boronicat, Shegët, Idet (Cornus mas) dhe Rrushi i thatë

•  Ndër më të pasurat me antioksidantë dhe burime fibrash.

•  Forcojnë sistemin imunitar.

•  Burim i shkëlqyer i vitaminës C.

Këshilla për përdorimin e tyre: Hidhni një grusht në kos, në drithërat e mëngjesit, në lëngun e freskët të frutave ose me ushqime të tjera.

 

Shafran Kozani

•  Një lloj shafrani i cilësisë më të lartë në të gjithë botën.

•  Forcon veprimtarinë e stomakut dhe lufton pagjumësinë.

•  Mbron zemrën.

•  Ndihmon në rënien në peshë.

•  Është agjent natyror kundër depresionit.

Këshilla për përdorimin e tyre: Përdoreni në gatim, supë, oriz, makarona, salca, prodhimet e detit, madje edhe në pije (të kombinuar me bimë të tjera si çaji i malit).

 

Rrëshira bimore (Chios Mastic)

•  Një antioksidant i fuqishëm dhe agjent antibakterial.

•  Përdoret që nga lashtësia si ilaç për sëmundjet gastrointestinale.

•  Parandalues dhe terapeutik kundër plakjes.

•  Mbrojtës kundër kancerit.

 

Këshilla për përdorimin e tyre: Përdoreni në ëmbëlsira dhe kek, në gatim, në çamçakëzë.

 

Mjalti

•  Kapacitete të fuqishme antibakteriale.

•  Burim i pasur vitaminash, mikroelementësh dhe antioksidantësh.

•  Mjalti i errët përmban shumë antioksidantë.

 

Këshilla për përdorimin e tyre: Përdoreni në vend të sheqerit në ëmbëlsira dhe pije, në kos, drithëra dhe salca për sallatë.

Dhe lista vazhdon….

 

Mos harroni se konsumi ditor i super ushqimeve i siguron trupit energji natyrore, gjallëri, ndihmon në ruajtjen e mirëqenies, bukurisë dhe rinisë, përmirëson shëndetin e njeriut dhe ju mbron nga sëmundjet.

Maria Skoura

Dietologe, Anëtare shkencore e Shoqatës Mjekësore Greke për Adoleshentët