Puberteti

Puberteti është periudha e ndryshimeve fizike. Cikli menstrual (periodat) janë një fazë e rëndësishme e pubertetit tek vajzat adoleshente. Ai fillon rreth moshës 6-9 vjeç (menstruacionet e para). 50% e vajzave mund të fillojnë menstruacionet që në moshën 13 vjeçare. Periudha kohore ndërmjet periodave të një vajze quhet cikël menstrual. Pas menstruacioneve të para, ciklet menstruale zgjasin 21-45 ditë, mesatarisht 28 ditë. Periodat e çrregullta janë normale te vajzat deri në dy vjet pas menstruacioneve të para derisa cikli menstrual të bëhet më i rregullt. Menstruacionet zakonisht zgjasin 3-5 ditë, por mund të zgjasin edhe 2 deri në 8 ditë.

Duhet të bisedoni me një mjek nëse keni një nga simptomat e mëposhtme:

• Një cikël më të shkurtër se 21 ditë ose më të gjatë se 35 ditë.

• Mungesë të menstruacioneve për periudha të gjata kohe ose nuk keni fare menstruacione (oligo amenore).

• Mungesë të plotë periodash, kur jeni mbi 16 vjeç dhe nuk keni asnjë shenjë të periodave (amenore).

• Hemorragji ndërmjet periodave.

• Hemorragji gjatë ovulimit (që ndodh 14 ditë përpara periodave të radhës) dhe hemorragji të lehtë deri në periodat e radhës.

• Perioda që zgjasin më shumë se 8 ditë ose më pak se 2 ditë.

• Gjakrrjedhje më e madhe se periodat normale (sasia mesatare e gjakut është vetëm rreth 50-60 mililitra) që përkthehet në ndërrimin e pecetës 4 deri në 6 herë në ditë.

• Perioda të dhimbshme të shoqëruara me simptoma të tjera, duke përfshirë përzierjet, të vjellat, kontraktimet, dhimbjet e forta (dismenore).

Në rast çrregullimesh të ciklit menstrual kërkoni gjithmonë një vizitë te një gjinekolog dhe analiza të mëtejshme, duke qenë se ato mund të jenë shenjë e sëmundjeve të ndryshme (d.m.th probleme me vezoret, gjëndrat tiroide, gjëndrën e hipofizës). Megjithatë, jo të gjitha çrregullimet sugjerojnë patologji trupore.

Giota Gargala - Stefanou

Pediatër, Anëtare shkencore e Shoqatës Mjekësore Greke për Adoleshentët